कल्याणातही निघणार गुढीपाडव्या निमित्त स्वागतयात्रा


कल्याण : गेल्या २ वर्षांपासून कोरोनामूळे खंडीत झालेली गुढीपाडव्याची स्वागतयात्रा कल्याण पश्चिमेतही आयोजित करण्यात आली आहे. राज्य सरकारकडून कोवीडचे सर्व निर्बंध शिथिल करण्यात आल्यामुळे नागरिकांमध्ये उत्साह असतानाच कल्याणकरांसाठी हि आनंदाची बातमी आहे.


ऐन वेळेला मिळालेली परवानगी आणि गुरुवारी शासनाने मागे घेतलेले निर्बंध यामुळे यंदाची स्वागतयात्रा पालखी सोहळाभजनी मंडळ आणि ढोल ताशा पथक अशा पद्धतीने त्याचे नियोजन करण्यात आल्याची माहिती अखिल भारतीय ब्राह्मण महासंघाचे कल्याण शहर अध्यक्ष महेश केळकर यांनी दिली.


          तसेच सकाळी ७ वाजता कल्याणच्या आचार्य अत्रे रंगमंदिर येथून या स्वागतयात्रेला प्रारंभ होणार असून तिथून शंकरराव चौकदेवी अहिल्याबाई होळकर चौकलोकमान्य टिळक चौकपारनाकालाल चौकी आणि नमस्कार मंडळ येथे संपन्न होणार आहे. कल्याणातील नागरिकांनी मोठ्या संख्येने या स्वागत्यात्रेमध्ये सहभागी होण्याचे आवाहन आयोजकांकडून करण्यात आले असल्याची माहिती अखिल भारतीय ब्राह्मण महासंघाच्या युवा आघाडी कल्याण शहर अध्यक्ष सारंग केळकर यांनी दिली. 

Post a Comment

0 Comments