केडीएमसीच्या ई प्रभागातील तळ +७ मजल्याच्या अनधिकृत इमारतीवर कारवाई

■तसेच अ प्रभागातील अनधिकृत ३९ जोत्यांच्या बांधकामावर निष्कासनाची कारवाई

कल्याण : महापालिका आयुक्त डॉ. विजय सूर्यवंशी यांच्या निर्देशानुसार ई प्रभागाचे सहा. आयुक्त भारत पवार यांनी मौजे नांदीवली तर्फ पंचानंद, डोंबिवली पूर्व येथील युनियन बँक ते रवीकिरण सोसायटी, डीपी रोडला बाधित होणा-या, जागामालक सचिन साबळे, बांधकामधारक अविनाश जागुष्टे यांच्या तळ+७ मजली अनधिकृत इमारतीवर निष्कासनाची धडक कारवाई सुरु केली. हि कारवाई  अनधिकृत बांधकाम नियंत्रण विभागाचे कर्मचारी,  महापालिकेचे पोलिस कर्मचारी, मानपाडा पोलिस स्टेशनचे पोलिस कर्मचारी व १  पोकलेन, ५ कॉम्प्रेसरच्या सहाय्याने करण्यात करण्यात येत आहे.

      त्याचप्रमाणे अ प्रभागाचे सहा. आयुक्त सुहास गुप्ते यांनी बल्याणी,  उंबर्णी  येथील १६ जोते  निष्कासनाची धडक कारवाई केली. त्याचप्रमाणे  टिटवाळा येथील घर आंगण सोसायटीच्या मागील १३ जोते व गणेशवाडी येथील १० जोते याठिकाणी बांधकाम सुरू होण्यापूर्वीच निष्कासित करण्याची कारवाई देखील १ जेसीबीच्या सहाय्याने व महानगरपालिकेच्या अनधिकृत बांधकाम नियंत्रण विभागाचे कर्मचारी वर्ग व महापालिकेचे पोलिस कर्मचारी यांच्या मदतीने करण्यात आली.