अ व ह प्रभागात अनधिकृत चाळीचे व आर.सी.सी फुटिंगचे बांधकाम निष्कासित करण्याची धडक कारवाई

 


कल्याण, प्रतिनिधी  : कल्याण डोंबिवली महापालिका आयुक्त डॉ. विजय सूर्यवंशी यांच्या निर्देशानुसार विभागीय उपआयुक्त अनंत कदम यांच्या मार्गदर्शनाखाली अ प्रभागातील सहा. आयुक्त सुहास गुप्ते यांनी मोहना येथील रहिवास नसलेल्या दहा चाळींच्या खोल्यांचे बांधकाम व चार जोते निष्कासित करण्याची धडक कारवाई नुकतीच केली. हि कारवाई अधिक्षक स्वाती गरुड, अनधिकृत बांधकाम नियंत्रण विभागाचे कर्मचारी व 1 जेसीबी यांच्या सहाय्याने करण्यात आली.


           त्याचप्रमाणे विभागीय उपआयुक्त सुधाकर जगताप यांच्या मार्गदर्शनाखाली ह प्रभागाचे सहा.आयुक्त अक्षय गुडधे यांनी डोंबिवली पश्चिम, जूनी डोंबिवली येथील सुरेश भुवन इमारतीच्या बाजूला , भारत माता शाळेच्या मागे बांधकाम धारक सुरेश गायकवाड यांचे राज्य शासनाच्या भूखंडावरील आर.सी.सी फुटिंग आणि कॉलमचे बांधकाम निष्कासित करण्याची धडक कारवाई आज केली. 


        हि कारवाई अनधिकृत बांधकाम नियंत्रण विभागाचे कर्मचारी, महापालिकेचे पोलीस कर्मचारी, विष्णुनगर पोलिस स्टेशनचे पोलिस कर्मचारी व 1 जेसीबी, 1 ब्रेकर यांच्या सहाय्याने करण्यात आली.

Post a Comment

0 Comments