बिर्ला कॉलेजच्या विद्यार्थ्याच्या मदतीने दुर्गाडीचा खाडी किनारा होत आहे स्वच्छ, सुंदर आणि रमणीय


कल्याण , प्रतिनिधी : महापालिका आयुक्त डॉ. विजय सूर्यवंशी यांच्या संकल्पनेनुसार महापालिका परिसरात  कायापालट अभियान राबविण्यास यापूर्वीच प्रारंभ करण्यात आला असून आता घनकचरा विभागाचे  उपआयुक्त कोकरे यांच्या पुढाकाराने व मार्गदर्शनाखाली बिर्ला महाविदयालयाच्या विदयार्थ्यांनी प्रा. सुवर्णा जाधव यांच्या नेतृत्वाखाली पुनीत सागर अभियानाअंतर्गत दुर्गाडी परिसरातील गणेश घाट परिसर स्वच्छ करण्यास स्वेच्छेने व स्वयंस्फुर्तीने सुरुवात केली आहे.


 या विदयार्थ्यांनी व नागरिकांनी  काल प्लास्टिक पिशव्यांमध्ये टाकलेले निर्माल्य वेगवेगळे करून कंपोस्टिंग साठी जमा केले. प्लास्टिककागदकापडकाच इ. वेगवेगळे संकलित करून पुर्नवापरसाठी   पाठविले.  हा उपक्रम यापुढे वर्षभर सुरु राहणार असून यामध्ये  दररोज १० विदयार्थी/ विद्यार्थीनी  सहभाग घेणार आहेत. या कच-याचे  ओला/सुका कचरा याप्रमाणे वर्गिकरण करुन  व निर्माल्य संकलित करून गणेश घाट यापुढे स्वच्छसुंदर व रमणीय ठेवला जाईल.

Post a Comment

0 Comments