कल्याण डोंबिवली लंगडी असोसिएशन आयोजित जिल्हा स्तरीय लंगडी पंच परीक्षा संपन्न


कल्याण , प्रतिनिधी  : महाराष्ट्र लंगडी असोसिएशनच्या मान्यतेने ठाणे जिल्हा लंगडी असोसिएशन च्या मार्गदर्शनाखाली कल्याण-डोंबिवली लंगडी असोसिएशन आयोजित जिल्हास्तरीय पंच परीक्षा विद्यार्थी सहाय्यता प्रतिष्ठानचे सिद्धार्थ विद्या मंदिर कल्याण पूर्व* या ठिकाणी संपन्न झाली. पंच परीक्षा यशस्वी होण्यासाठी कल्याण  डोंबिवली लंगडी असोसिएशनचे अध्यक्ष संजय मोरे आणि सिध्दार्थ विद्या मंदिर च्या मुख्याध्यापिका कल्पना शेवाळे यांचे मोलाचे सहकार्य  मिळाले. 


            या पंच परीक्षेत कल्याण  डोंबिवलीतील  विविध शाळा,महाविद्यालय,क्रीडा मंडळाचे प्रतिनिधी उपस्थित  होते. यावेळी प्रमुख  मार्गदर्शक  म्हणून  महाराष्ट्र  लंगडी असोसिएशनचे सचिव चेतन पागावाड  उपस्थित  होते. त्यांनी लंगडी खेळाचे नियम,मैदान याविषयी माहिती दिली त्याचबरोबर  कल्याण  डोंबिवली लंगडी असोसिएशनचे सहसचिव सुभाष  गायकवाड  यांनी मैदानावर  प्रत्यक्ष  खेळ कसा खेळला जातो हे प्रात्यक्षिकाद्वारे समजावून सांगितले.यावेळी कार्याध्यक्ष  अविनाश  नलावडे,खजिनदार  अशोक  काठे, संतोष  कदम, ज्ञानेश्वर  मगरे हे पदाधिकारी  उपस्थित  होते. 


          या शिबिरासाठी सुप्रिया नायकर,  राजू घुले, मिलिंद धंबा, निता जाधव, विजेता रहाटे, जिजाभाऊ शिंदे, दशरथ आचरेकर, अजय गांगुर्डे, सचिन भोई, सचिन भोई, शिवाजी इंगोले, तुकाराम  खाटेघरे, गौरव पाटील हे उपस्थित होते. उपस्थितांचे स्वागत  कल्याण  डोंबिवली लंगडी असोसिएशनचे सचिव  प्रविण  खाडे यांनी केले तर आभार अशोक  काठे यांनी मानले. उपस्थितांना परीक्षा उत्तीर्ण  झाल्याचे प्रमाणपत्र व ओळख पत्र देऊन गौरविण्यात  आले.

Post a Comment

0 Comments