कल्याण , कुणाल म्हात्रे : आविष्कार एज्युकेअर फौंडेशन एनजीओ कल्याण आणि श्री संत सावता माळी युवक संघ महाराष्ट्र राज्य, ठाणे जिल्हा यांच्या वतीने आदिवासी मुलांसोबत दिवाळी साजरी करण्यात आली. विनोद शेलकर, सचिन जाधव, गिरीश मंजुळे, प्रणय काठे यांनी ऐक हात मदतीचा, एक हात जाणीवांचा हा वसा आविष्कारच्या माध्यमातून घेतला आहे.
आदिवासी बांधवांची सर्वसाधारण लोकांसारखी त्यांचीही दिवाळी नवीन कपड्यांसोबत व्हावी, यासाठी कल्याण पासून ११० किलोमीटर अंतरावर असलेल्या काकडपाड्यातील कातकरी वाडी येथे वसुबारस दिवाळीच्या पहिल्याच दिवशी जाऊन या आदिवासी २ ते ११ वर्ष वयोगटातील १०५ मुले, मुली यांना नवीन कपडे तसेच स्रियांना साड्या, पुरषांना कपडे, देण्यात आले.
अर्ध कपड्यांवर फिरणारी ती मुले, अनेक वर्षा पासून वापरत असलेले तेच ते जुने कपडे. परिस्थितीशी, निसर्गाशी सदैव दोन हात करत जगणाऱ्या त्या बापड्यांच्या चेहऱ्यावर कपडे घेतांना खूपच आनंद होता. असे आविष्कार फौंडेशनचे संस्थापक विनोद शेलकर यांनी सांगितले.
माजी पंचायत समिती सभापती मोखाडा प्रदिप वाघ, सरपंच संजय वाघ व साऊथ इंडियन हायस्कूल चे शिक्षक योगेश खोरगडे, देविदास गवारी यांनी यावेळी विशेष सहकार्य केले. कार्यक्रमाचे उत्तम नियोजन पोलिस पाटील विठ्ठल गोडे व संजय वाघ यांनी केले.
प्रणय काटे, सुभाष सरोदे, अमोल पाटील, देविदास गवारी, योगेश खोरगडे, संदीप पाटील, रोहित माळी, मिलिंद दंभा हे सर्व कार्यकर्ते त्यांच्या पर्यंत पोहोचवण्यासाठी प्रत्यक्ष उपस्थित होते. तसेच शैलेश कदम, नेहा नितीन चौधरी, दिपाली प्रणय काठे यांनी या बालगोपालांसाठी नवे कपडे खरेदी करून आविष्कार एज्युकेअर फौंडेशनला मोलाचे सहकार्य केले.
.jpg)
0 Comments