Header AD

निवृत्तीवेतन धारकांचे अभिलेख आणि मुद्रांक सुरक्षित ठेवण्यासाठी जिल्हा कोषागार अधिकारी कार्यालयात बसविले कॉम्पॅक्टर्स


■जिल्हाधिकारी राजेश नार्वेकर यांच्या हस्ते उद्घाटन ४५ हजार निवृत्तीवेतन धारकांचे दस्तावेज सुरक्षित ठेवण्यासाठी होणार मदत...


ठाणे, दि. 27 (जिमाका)  : जिल्हा नियोजन विकास निधीतून येथील जिल्हा कोषागार कार्यालयाला देण्यात आलेल्या कॉम्पॅक्टर्सचे उद्घाटन आज जिल्हाधिकारी राजेश नार्वेकर यांच्या हस्ते करण्यात आले. यावेळी कोकण विभागाचे लेखा व कोषागरे सहसंचालक अनुदीप दिघे, जिल्हा कोषागार अधिकारी राजेश भोईर, जिल्हा नियोजन अधिकारी अमोल खंडारे उपस्थित होते.



           या कॉम्पॅक्टर्सच्या माध्यमातून कोषागार कार्यालयातील अभिलेख जतनाचे काम सुलभ आणि सुरक्षित होतानाच संदर्भासाठी अभिलेख तातडीने मिळण्यास मदत होणार असल्याचे जिल्हाधिकारी श्री. नार्वेकर यांनी सांगितले.



        जिल्हा नियोजन विकास निधीतीन कोषागार कार्यालायाला दोन कॉम्पॅक्टर्सचा संच देण्यात आला असून त्याद्वारे जिल्ह्यातील सुमारे 45 हजार निवृत्ती वेतनधारकांचे अभिलेख जतन करण्यास मदत होणार आहे. स्ट्रॉंगरुमध्ये बसविण्यात आलेल्या कॉम्पॅक्टर्समुळे मुद्रांकांचे जतन सुलभ पद्धतीने होण्यास मदत होईल.



         कोषागार कार्यालयात मोठ्या प्रमाणावर शासकीय दस्तावेज जमा होत असतो त्यामुळे अशाप्रकारचे कॉम्पॅक्टर्समुळे हे सर्व दस्तावेज सुरूक्षित ठेवण्यास मदत होणार आहे, असे जिल्हा कोषागार अधिकारी श्री. भोईर यांनी सागितले. यावेळी अपर कोषागार अधिकारी कल्पना थोरात, उपलेखापाल नितीन राणे यांच्यासह अधिकारी व कर्मचारी उपस्थित होते.

निवृत्तीवेतन धारकांचे अभिलेख आणि मुद्रांक सुरक्षित ठेवण्यासाठी जिल्हा कोषागार अधिकारी कार्यालयात बसविले कॉम्पॅक्टर्स निवृत्तीवेतन धारकांचे अभिलेख आणि मुद्रांक सुरक्षित ठेवण्यासाठी जिल्हा कोषागार अधिकारी कार्यालयात बसविले कॉम्पॅक्टर्स Reviewed by News1 Marathi on September 27, 2021 Rating: 5

No comments

Featured Post

महाविद्यालयातील प्राचार्य, शिक्षक, व्यवस्थापन यांनी सर्व विद्यार्थ्यांच्या लसीकरण याकडे प्राधान्याने लक्ष द्यावे, अन्यथा नियमानुसार कारवाई करणार ...आयुक्त सुधाकर देशमुख

भिवंडी , प्रतिनिधी  :  भारत सरकार, महाराष्ट्र राज्य कोरोना लसीकरणाचे उद्दीष्ट साध्य करण्याकरता सर्व प्रकारचे प्रयत्न करत आहे. याकरिता महानग...

Post AD

home ads