Header AD

कोविड नियमांचे उल्लंघन करणाऱ्या १४ आस्थापनां कडून ७० हजार दंड वसूल




कल्याण , कुणाल  म्हात्रे  :  कोविड नियमांचे उल्लंघन करणाऱ्या १४ आस्थापनांकडून  कल्याण डोंबिवली महानगरपालिकेने दोन दिवसांत ७० हजार दंड वसूल केला आहे.



महापालिका क्षेत्रातील कोरोना रुग्णांची संख्या नियंत्रणात ठेवण्याच्या दृष्टिकोनातून कोरोना नियमाचे उल्लंघन करणाऱ्या दुकानांवर कारवाई करण्याबाबत महापालिका आयुक्त डॉ. विजय सूर्यवंशी यांनी यापूर्वीच  दिलेल्या निर्देशानुसार गेल्या दोन दिवसात महापालिकेच्या विविध प्रभागातील प्रभागक्षेत्र अधिकारी व त्यांच्या पथकांनी आपल्या प्रभागातील मंगल कार्यालये/आस्थापना/मॉल / हॉटेल इ.  ठिकाणी पाहणी केलीपाहणी अंती १४ आस्थापनांकडून ७० हजार रुपये दंड वसूल करण्यात आला आहे.



    त्याच प्रमाणे आय प्रभागक्षेत्रात प्रभागक्षेत्र अधिकारी दिपक शिंदे यांनी मलंग रोड व शीळफाटा रोड या परिसरातील ७ दुकाने कोविड नियमांचे उल्लंघन केल्यामुळे सील केली.  तसेच ई प्रभागक्षेत्रात प्रभागक्षेत्र अधिकारी भारत पवार यांनी कोविड नियमांचे उल्लंघन केल्यामुळे मालवण किनारा हे हॉटेल सील करण्याची कारवाई केली. 

कोविड नियमांचे उल्लंघन करणाऱ्या १४ आस्थापनां कडून ७० हजार दंड वसूल कोविड नियमांचे उल्लंघन करणाऱ्या १४ आस्थापनां कडून ७० हजार दंड वसूल Reviewed by News1 Marathi on August 02, 2021 Rating: 5

No comments

Featured Post

भिवंडी शहरातील वंजारपट्टी उड्डाण पुलाचे डॉ ए पी जे अब्दुल कलाम नामकरण संपन्न

भिवंडी दि 15 (प्रतिनिधी ) महानगरपालिका क्षेत्रात एमएमआरडीए च्या माध्यमातून वंजारपट्टी नाका येथे 2016 मध्ये उभारण्यात आलेल्या उड्डाणपुलाचे ना...

Post AD

home ads