Header AD

भिवंडी तालुक्यातील पडघ्यात चोरट्यांनी महीलेच्या गळ्यातील सोन्याची माळ हिसकावून पळवली ; महिलांमध्ये भीतीचे वातावरण..




भिवंडी दि. ४ (प्रतीनीधी ) भिवंडी तालुक्यातील पडघा येथे रस्त्याने ये - जा करणाऱ्या एकट्या दुकट्या महीलांना हेरून त्यांच्या गळ्यातील सोन्याचे दागिने चोरून नेण्याच्या घटनांमध्ये कमालीची वाढ झाल्याने महीलांमध्ये भीतीचे वातावरण निर्माण झाले आहे.


        पडघा न्हावी आळी येथे राहणाऱ्या ७० वर्षीय वयोवृद्ध महीला अनुसया किसन गायकवाड या घराशेजारील संतसेना महाराज मंदीरात देवदर्शनासाठी गेल्या होत्या .त्यावेळी तेथे दर्शनासाठी आलेल्या अनोळखी इसमाने हातचलाखीने त्यांच्या गळ्यातील ४५ हजार किंमतीची सोन्याची माळ चोरून पोबारा केला.


         तर ब्राम्हण आळी येथे राहणाऱ्या गुलाब गणेश भुयाळ या अंगणवाडी सेविका असून मुंबई नाशिक महामार्गावरुन एम.एस.ई.बी.विद्युत केंद्र येथे अंगणवाडीवर जात असताना शेरेकरपाडा रस्त्यालगत मोटार सायकलवरून पाठीमागून आलेल्या हेल्मेटधारी दोन अनोळखी इसमांनी ताई अशी हाक मारली त्यावेळी त्यांनी थांबून मागे बघीतले त्याचवेळी त्याच्यां गळ्यातील ६० हजार किमतीची सोन्याची गरसोळ (माळ) खेचून बोरीवली गावाच्या  दिशेने चोरटे पळुन गेले.


           या दोन्ही घटनांचे गुन्हे पडघा पोलीस ठाण्यात दाखल करण्यात आले असून पोलीसांनी लवकरात लवकर तपास लाऊन दागीने परत मिळवुन देण्याची मागणी दोन्ही महीलांनी केली आहे.पडघ्यात नागरीकरण झपाट्याने वाढत आहे. त्यामुळे गर्दीचा फायदा घेऊन चोरटे दिवसा ढवळ्या महिलांना लुटत आहेत. त्यासाठी पोलीस गस्त वाढवण्यात अशी मागणी माजी सरपंच पराग पाटोळे यांनी केली आहे.
भिवंडी तालुक्यातील पडघ्यात चोरट्यांनी महीलेच्या गळ्यातील सोन्याची माळ हिसकावून पळवली ; महिलांमध्ये भीतीचे वातावरण.. भिवंडी तालुक्यातील पडघ्यात चोरट्यांनी महीलेच्या गळ्यातील सोन्याची माळ हिसकावून पळवली ; महिलांमध्ये भीतीचे वातावरण.. Reviewed by News1 Marathi on June 04, 2021 Rating: 5

No comments

Featured Post

सरपंचावर ॲट्रॉसिटी ॲक्ट नुसार गुन्हा दाखल करण्याची मागणी

भिवंडी, दि. १६ -  पाण्यावरून जातीवाचक वक्तव्य करणाऱ्या तसेच जिवे ठार मारण्याची धमकी देणाऱ्या सरपंचावर ॲट्रॉसिटी ॲक्ट नुसार गुन्हा दाखल करण्य...

Post AD

home ads