Header AD

भिवंडीतील अग्नि तांडाव थांबता थांबेना, मध्यरात्रीच्या आगीत तीन यंत्रमाग कारखाने जळून खाक...




भिवंडी :दि.६ (प्रतिनिधी  ) भिवंडी शहरात मागील काही दिवसांपासून आगीच्या घटनां मध्ये लक्षणीय वाढ झाली असून दररोज कोठे ना कोठे यंत्रमाग कारखाने आगीच्या भक्ष्यस्थानी पडून जळून खाक होत आहेत .नव्हेच तर आर्थिक वर्षाच्या शेवटी मार्च महिन्यात या घटनां मध्ये वाढ झालेली असते .मागील पाच दिवसात एकूण दहा आग लागण्याच्या घटना घडल्या आहेत.


           शुक्रवारी मध्यरात्री अडीच वाजताच्या सुमारास शहरातील नारपोली सोनीबाई कंपाऊंड येथील सोल्जर हे अत्याधुनिक यंत्रमाग असलेल्या कारखान्यात आग लागण्याची घटना घडली आहे. पाहता पाहता आगीने उग्र रूप धारण केल्याने एकूण तीन कारखाने या आगीच्या ज्वालांनी वेठले गेले त्यावेळी कारखान्यात काम करणाऱ्या कामगारांनी तेथून पळ काढल्याने सुदैवाने कोणतीही जीवितहानी झाली नाही.




          परंतु आगीच्या ज्वाला उंच उडत या तिन्ही कारखान्याचे सिमेंट पत्र्याचे छत कोसळून येथील सर्व यंत्रमागा सह तयार व कच्चा कपडा जळून खाक झाला आहे.  या घटनेची माहिती मिळताच भिवंडी अग्निशामक दलाच्या दोन गाड्या घटनास्थळी दाखल होत त्यांनी ही आग पाच तासांच्या अथक प्रयत्नां नंतर आटोक्यात आणली.सदर कारखाना असलेल्या ठिकाणी अग्निशामक दलाची गाडी पोहचू शकण्यास अरुंद रस्त्यांचा अडथळा होत असल्याने एका बाजू कडील कारखान्याच्या भिंतीस छिद्र पाडून या आग लागलेल्या कारखान्यातील आग विझविण्या साठी प्रयत्न करावे लागले .दरम्यान आगीचे कारण अस्पष्ट असून या घटनेची भोईवाडा पोलीस ठाणे येथे नोंद करण्यात आली आहे .
भिवंडीतील अग्नि तांडाव थांबता थांबेना, मध्यरात्रीच्या आगीत तीन यंत्रमाग कारखाने जळून खाक... भिवंडीतील अग्नि तांडाव थांबता थांबेना, मध्यरात्रीच्या आगीत तीन यंत्रमाग कारखाने जळून खाक... Reviewed by News1 Marathi on March 06, 2021 Rating: 5

No comments

Featured Post

कल्याण डोंबिवलीत ६६ नवे रुग्ण तर ६३ रुग्णांना डिस्चार्ज कोरोना मुळे एक मृत्यू

कल्याण , कुणाल  म्हात्रे  :   कल्याण डोंबिवली महानगरपालिका क्षेत्रात आज ६६ कोरोना   रुग्णांची नोंद करण्यात आली असून गेल्या २४ तासांत ६३ रुग्...

Post AD

home ads