कल्याण डोंबिवलीत कोरोना रुग्णांनी ओलांडला ६२ हजारांचा टप्पा १३२ रुग्ण तर एक मृत्यू

कल्याण , कुणाल म्हात्रे  :  कल्याण डोंबिवली महानगरपालिका क्षेत्रात कोरोना रुग्णांनी ६२ हजारांचा टप्पा ओलांडला असून आज १३२ कोरोना रुग्णांची नोंद करण्यात आली असून गेल्या २४ तासांत  ६३ रुग्णांना डिस्चार्ज देण्यात आला आहे. तर कोरोनामुळे आज एका जणांचा मृत्यू झाला आहे.

आजच्या या १३२ रूग्णांमुळे पालिका क्षेत्रातील रुग्णांची एकूण संख्या ६२,०८४ झाली आहे. यामध्ये ११८५  रुग्ण उपचार घेत असून ५९,७४० रूग्णांना डिस्चार्ज देण्यात आला आहे. तर आतापर्यत ११५९ जणांचा कोरोनामुळे मृत्यू झाला आहे. आजच्या १३२ रूग्णांमध्ये कल्याण पूर्व-२०,  कल्याण प – ३२, डोंबिवली पूर्व – ५१,  डोंबिवली प – २२, तर मांडा टिटवाळा  येथील ५ रुग्णांचा समावेश आहे.