Header AD

७०वर्षीय वृद्ध महिलेची घरात घुसून धारदार शस्त्राने निर्घृण हत्या








कल्याण ,  कुणाल  म्हात्रे  : घरात घुसून एका ७० वर्षीय वृद्ध महिलेची धारदार शस्त्राने निर्घृणपणे हत्या झाल्याची खळबळजनक घटना समोर आली आहे. ही घटना कल्याण पश्चिम परिसरातील दत्ता आळी परिसरातील एका घरात घडली आहे. याप्रकरणी बाजारपेठ पोलीस ठाण्यात अज्ञात मारेकऱ्याविरोधात हत्येचा गुन्हा दाखल करण्यात आला आहे. आरोपीचा शोध सुरू असल्याची माहिती पोलिसांनी दिली.


हंसाबेन प्रवीण ठक्कर असे हत्या झालेल्या महिलेचे नाव आहे. हत्या झाली तेव्हा ही महिला घरात एकटीच होती. पोलिसांनी दिलेल्या माहितीनुसार कल्याण पश्चिम परिसरातील दत्त आळीत मृत हंसाबेन कुटुंबासह राहत होत्या. काल रात्रीच्या सुमारास त्या घरात एकट्या असल्याचे पाहून अज्ञान मारेकऱ्याने घरात घुसून त्यांची हत्या केली. 


दरम्यान हा खळबळजनक प्रकार शनिवारी रात्री ९च्या सुमारास समोर आला, त्यानंतर त्यांच्या कुटुंबीयांनी याची माहिती बाजारपेठ पोलीस ठाण्याला दिली. घटनेची माहिती मिळताच पोलिसांनी घटनास्थळी धाव घेऊन, घटनेचा पंचानामा केला. तसेच त्यांचा मृतदेह उत्तरीय तपासणीसाठी रुक्मिणीबाई रुग्णालयात पाठवण्यात आला आहे. हत्येचे कारण अस्पष्ट असून, तपास सुरू असल्याची माहिती पोलिसांनी दिली.
७०वर्षीय वृद्ध महिलेची घरात घुसून धारदार शस्त्राने निर्घृण हत्या  ७०वर्षीय वृद्ध महिलेची घरात घुसून धारदार शस्त्राने निर्घृण हत्या Reviewed by News1 Marathi on February 28, 2021 Rating: 5

No comments

Featured Post

दृष्टीहीनांना चेहरा दाखविणारी दिव्यदृष्टी

  ■यतः सत्यं यतो धर्मो यतो ह्रीरार्जवं यतः।  ततोभवति गोविन्दो यतः कृष्ण्स्ततो जयः अर्थात, जिथे सत्य, धार्मिकता, ईश्वरविरोधी कार्यात अंतःकरणा...

Post AD

home ads