कल्याण डोंबिवलीत १४७ रुग्ण तर एक मृत्यू

कल्याण , कुणाल  म्हात्रे  :  कल्याण डोंबिवली महानगरपालिका क्षेत्रात आज १४७ कोरोना रुग्णांची नोंद करण्यात आली असून गेल्या २४ तासांत ५९  रुग्णांना डिस्चार्ज देण्यात आला आहे. तर कोरोनामुळे आज एका जणांचा मृत्यू झाला आहे.

आजच्या या १४७ रूग्णांमुळे पालिका क्षेत्रातील रुग्णांची एकूण संख्या ६१,९५२ झाली आहे. यामध्ये १११७  रुग्ण उपचार घेत असून ५९,६७७ रूग्णांना डिस्चार्ज देण्यात आला आहे. तर आतापर्यत ११५८ जणांचा कोरोनामुळे मृत्यू झाला आहे. आजच्या १४७ रूग्णांमध्ये कल्याण पूर्व-१५,  कल्याण प – ५१, डोंबिवली पूर्व – ५३,  डोंबिवली प – २१,  मांडा टिटवाळा – ५, तर मोहना येथील २ रुग्णांचा समावेश आहे.