कल्याण स्थानिक संस्थेचा गणवेश दिन साजरा

 

कल्याण , कुणाल  म्हात्रे  : कल्याण भारत स्काऊट गाईड स्थानिक संस्थेचा स्काऊट गाईड गणवेशदिन गुरुवारी मोहिंदरसिंग काबुलसिंग इंग्लिश हायस्कूल कल्याण पश्चिम येथे साजरा झाला. कार्यक्रमाला १० स्काऊट गाईड २०  मास्टर/ कॅप्टन उपस्थित होते. यावेळी प्रमुख पाहुणे मोहिंदर स्कूलचे संचालक परमवीर सिंग सैनी, ठाणे जिल्हा संघटन आयुक्त गाईड संगिता रामटेके उपस्थित होते. सूत्रसंचलन कोषाध्यक्ष बाळासाहेब भोसले यांनी केले. स्वागतानंतर प्रास्तविक चिटणीस दिलीप तडवी यांनी केले. ४ स्काऊट गाईड कब राज्यपुरस्कार प्राप्त यांचा मेडल प्रमाणपत्र देऊन सत्कार केला.

अग्निशमन दलाचे बंदु यशवंत सहारे यांचा कोरोना योद्धा म्हणून सत्कार करण्यात आला. गणवेशदिनाची माहिती उपाध्यक्ष बी.एन भोसले सांगितली. तर रामटेके यांनी गणवेशाबाबत मार्गदर्शन केले. कार्यक्रम प्रमुख दशरथ आगवणे व नीता जाधव यांनी काम पाहिले. गणवेशदिन दरवर्षी प्रमाणे उत्साहाने साजरा झाला. गणवेशदिन महाराष्ट्रात एकमेव कल्याण संस्था साजरा करत असल्याची माहिती दिलीप तडवी यांनी दिली.