अर्णव गोस्वामीच्या फोटोस जोडे मारो आंदोलन करीत भिवंडीत काँग्रेस कार्यकर्त्यांची निदर्शने

भिवंडी , प्रतिनिधी  :  टीआरपी घोटाळा व त्यानंतर अन्वय नाईक आत्महत्या प्रकरणात गुंतल्याने चर्चेत असलेले आर भारत न्यूज चॅनल चे संपादक अर्णव गोस्वामी यांच्या पुलवामा हल्ल्या संदर्भातील सोशल मीडिया वरील चॅट जगा समोर आल्याने त्यांच्या अडचणीत वाढ झालेली असताना त्या विरोधात विरोधकांनी सर्वत्र अर्णव गोस्वामी यांच्या विरोधात निदर्शने सुरू केली आहेत.

भिवंडी शहरात कॉंग्रेस शहराध्यक्ष रशीद ताहीर मोमीन यांच्या नेतृत्वाखाली कार्यकर्त्यांनी अर्णव गोस्वामी विरोधात जोरदार घोषणा बाजी करीत अर्णव गोस्वामी यांच्या पोस्टर ला जोडे मारत निदर्शने केली व त्या नंतर अर्णव गोस्वामी यांचे फोटो असलेले पोस्टर जाळून आपला संताप व्यक्त केला आहे .या आंदोलनात शहराध्यक्ष रशीद ताहीर मोमीन ,तारिक फारुखी ,सोहेल खान ,ताज अन्सारी ,फजले खान ,अशोक पाटील, रुकसाना कुरेशी,नगरसेवक सिराज मोमीन,परवेज मोमीन,शकील पापा,अश्रफ मुन्ना ,डॉ जुबेर अन्सारी ,साजिद अन्सारी यांसह पदाधिकारी कार्यकर्ते सहभागी झाले होते.