भिवंडीत ग्रामपंचायत निवडणूकी साठी ३१ उमेदवाराचे अर्ज दाखल

 

भिवंडी ,  प्रतिनिधी   :  भिवंडी तालुक्यातील ५६ ग्रामपंचायतींच्या निवडणुका प्रक्रिया सुरू झाली असून गुरुवारी १२ ग्राम पंचायती मधील ३१ उमेदवारांनी आपले निवडणूक उमेदवारी अर्ज भरले आहेत अशी माहिती तहसीलदार अधिक पाटील यांनी दिली.

१५ जानेवारी रोजी ५६ ग्राम पंचायतिच्या निवडणुका होत असून एकूण ५७४ सदस्य निवडून होत असून त्यासाठी गुरुवार पासून निवडणूक अर्ज भरण्याच्या पहिल्या दिवशी ३१ उमेदवारांनी आपले उमेदवारी अर्ज दाखल केले आहेत या निवडणुकीत तब्बल सव्वा लाख मतदार मतदान करणार असल्याने त्या साठी भिवंडी तहासिलदार अधिक पाटील यांच्या नेतृत्वाखाली प्रशासन यंत्रणेने निवडणुकीची जय्यत तयारी सुरू केली आहे .