कल्याण डोंबिवलीत कोरोना रुग्णांची संख्या ५२ हजार पार १३३ नवे रुग्ण तर १ मृत्यू
कल्याण , कुणाल म्हात्रे : कल्याण डोंबिवली महानगरपालिका क्षेत्रात कोरोना रुग्णांची संख्या ५२ हजार पार गेली असून आज नव्या १३३ कोरोना रुग्णांची नोंद करण्यात आली आहे. तर एक जणाचा मृत्यू झाला असून गेल्या २४ तासांत १५५ रुग्णांना डिस्चार्ज देण्यात आला आहे.
आजच्या या १३३ रूग्णांमुळे पालिका क्षेत्रातील रुग्णांची एकूण संख्या ५२,०५६ झाली आहे. यामध्ये १०८१ रुग्ण उपचार घेत असून ४९,९४४ रूग्णांना डिस्चार्ज देण्यात आला आहे. तर आतापर्यत १०३१ जणांचा कोरोनामुळे मृत्यू झाला आहे. आजच्या १३३ रूग्णांमध्ये कल्याण पूर्व- २२, कल्याण प – ३७, डोंबिवली पूर्व – ३४, डोंबिवली प – ३२, मांडा टिटवाळा – ६ तर मोहना येथील २ रूग्णांचा समावेश आहे.
डिस्चार्ज झालेल्या रूग्णांपैकी ९ रुग्ण टाटा आमंत्रामधून, ७ रुग्ण ह.भ.प. सावळाराम महाराज म्हात्रे क्रीडा संकुल येथून, ७ रुग्ण पाटीदार कोविड सेंटरमधून, ३ रुग्ण डोंबिवली जिमखाना कोविड सेंटर मधून व उर्वरित रुग्ण हे इतर रूग्णालयामधून तसेच होम आयसोलेशन मधून बरे झालेले आहेत.

Post a Comment