Header AD

भिवंडीत रेती माफियां विरोधात तहसील दाररांची धडक कारवाई दोन सक्शन पंप गॅस कटरने केले नष्ट


 



भिवंडी , प्रतिनिधी  :  राज्य शासनाने रेती माफियांविरोधात कठोर कारवाईचे धोरण अवलंबिले आहे.त्यानुसार तालुक्यातील कशेळी ,दिवे अंजूर, काल्हेर , कशेळी या गावांच्या खाडी पात्रात रेती माफियांकडून सक्शन पंप व लोखंडी बार्जद्वारे मोठ्या प्रमाणात अवैध रेती उपसाा करून पर्यावरणाचा मोठा ऱ्हास केला जात असल्याची माहिती भिवंडीचे तहसीलदार अधिक पाटील यांना मिळाली असता त्यांनी सोमवारी पहाटे पाच वाजता महसूल विभागातील अधिकारी व पोलिसांच्या साथीने या खाडीपात्रामध्ये धाड टाकून याठिकाणी अवैध रेती उपसा करणारे दोन सक्शन पंपवर कारवाई करून दोन सक्शन पंप गॅस कटरच्या सहाय्याने नष्ट केले असून या अवैध रेती उपसा प्रकरणी नारपोली पोलीस ठाण्यात गुन्हा दाखल करण्याची प्रक्रिया सुरु आहे.


दरम्यान तहसीलदारांच्या या धडक कारवाईने अवैध वाळू उपसा करणाऱ्यांचे चांगलेच ढाबे दणाणले आहेत. या धडक कारवाईत महसूल विभागातील नायब तहसीलदार महेश चौधरी, मंडळाधिकारी खारबाव बी एम टाकवेकर ,अप्पर मंडळाधिकारी भिवंडी चंद्रकांत रजपूत ,मंडळ अधिकारी भिवंडी दत्ता बांबळे, तलाठी राहुल चिकटे ,अविनाश राऊत , गणेश बोडके , बी आर पाटील , योगेश पाटील ,बी एस जाधव , रमेश सूर्यवंशी आदी महसूल पथक सहभागी  झाले होते या महसूल पथकामार्फत दोन सक्शन पंप पकडून काल्हेर येथील बंदरावर गॅस कटरने नष्ट केले.तहसीलदार अधिक पाटील यांच्या धडक कारवाईने तालुक्यातील रेती माफियांमध्ये एकच खळबळ माजली आहे.
भिवंडीत रेती माफियां विरोधात तहसील दाररांची धडक कारवाई दोन सक्शन पंप गॅस कटरने केले नष्ट भिवंडीत रेती माफियां विरोधात तहसील दाररांची धडक कारवाई दोन सक्शन पंप गॅस कटरने केले नष्ट Reviewed by News1 Marathi on November 09, 2020 Rating: 5

No comments

Featured Post

चालत्या लोकल ट्रेनमध्ये तरुणीचा विनयभंग करत ट्रेनमधून फेकून देण्याचा प्रयत्न रेल्वे प्रवासात महिला सुरक्षेचा प्रश्न ऐरणीवर

कल्याण ,कुणाल म्हात्रे  :   मध्य रेल्वेच्या आठगाव कसारा स्टेशन दरम्यान  धावत्या लोकलमध्ये दारूच्या नशेमध्ये तर्र असणाऱ्या दोन तरूण तळीरामांन...

Post AD

home ads