Header AD

भात शेतीच्या नुकसानीचे तातडीने पंचनामे करावेत खासदार कपिल पाटील




भिवंडी | प्रतिनिधी  :  भिवंडी लोकसभा मतदारसंघाच्या क्षेत्रात करपा रोग व मुसळधार पावसामुळे झालेल्या भातशेतीच्या नुकसानीचे तातडीने पंचनामे करावेत, अशी मागणी भाजपाचे खासदार कपिल पाटील यांनी आज केली. शेतकऱ्यांच्या उदरनिर्वाहाचे प्रमुख उत्पन्न असलेल्या भाताचे मोठे नुकसान झाल्यामुळे शेतकऱ्यांना मदतीची कार्यवाही सुरू करावी, असेही खासदार कपिल पाटील यांनी म्हटले.


पंतप्रधान नरेंद्र मोदी यांच्या सरकारने मंजूर केलेल्या कृषी विधेयकामुळे शेतकऱ्यांना होणारे फायदे व विरोधी पक्षांनी निर्माण केलेले गैरसमज दूर करण्यासाठी खासदार कपिल पाटील यांच्याकडून शेतकऱ्यांचा संवाद साधला जात आहे. त्यानुसार भिवंडी ग्रामीण भागातील भोकरी, डोहोळे आणि कुंभारशिव गावातील शेतकऱ्यांना माहिती दिली. त्याचबरोबर करपा रोग व मुसळधार पावसात जमीनदोस्त झालेल्या भातपिकाचीही पाहणी केली.


भिवंडी लोकसभा क्षेत्रातील ग्रामीण भागात भात हे मुख्य उत्पन्न आहे. सध्या भातपिक काढणीला आले असतानाच, करपा रोग पडल्यामुळे अनेक भागातील भातपिक जमीनदोस्त झाले आहे. नुकसान झालेल्या पिकाचे तातडीने पंचनामे करावेत, अशी मागणी खासदार कपिल पाटील यांनी जिल्हाधिकारी राजेश नार्वेकर यांच्याकडे केली आहे. भिवंडी, कल्याण, वाडा, शहापूर आणि मुरबाड तालुक्यातील तहसिलदारांशीही संपर्क साधून खासदार पाटील यांनी शेतकऱ्यांच्या झालेल्या नुकसानीकडे लक्ष वेधले.


कृषी विधेयकामुळे शेतकऱ्यांचा फायदा होणार आहे. प्रत्येक शेतकऱ्याला आपले पिक कोठेही विक्री करण्याची संधी मिळणार आहे. सध्याच्या बाजार समितीचाही पर्याय शेतकऱ्यांपुढे आहे. नव्या विधेयकांमुळे दर्जेदार पिक व भाजीपाल्याला बाजारभावापेक्षा जास्त भाव मिळेल, अशी माहिती खासदार कपिल पाटील यांनी शेतकऱ्यांना दिली. या वेळी शेतकऱ्यांनी उपस्थित केलेल्या शंकांचेही त्यांनी निरसन केले.
भात शेतीच्या नुकसानीचे तातडीने पंचनामे करावेत खासदार कपिल पाटील भात शेतीच्या नुकसानीचे तातडीने पंचनामे करावेत खासदार कपिल पाटील Reviewed by News1 Marathi on October 04, 2020 Rating: 5

No comments

Featured Post

क्रांती सुर्य महात्मा ज्योतिबा फुले यांच्या पुण्यतिथी दिनानिमित्त आज माळी समाज संस्थेच्या कार्यालयात अभिवादन करण्यात आले

  ठाणे, प्रतिनिधी  :  आज संपूर्ण देशभरात स्रिया सर्वच क्षेत्रात सक्षमपणे उभ्या आहेत त्याचे सर्व श्रेय क्रातीसूर्य महात्मा ज्योतिबा फुले यांन...

Post AD

home ads