Header AD

दुर्मिळ नवरंग पक्षी उष्मा घातामुळे जखमी




कल्याण  | कुणाल  म्हात्रे  : नऊ रंगांची छटा असलेला आणि सुरेल शीळ वाजविणारा नवरंग पक्षी उष्माघातामुळे जखमी झाल्याची घटना कल्याण मधील वायले नगर येथे घडली असून पक्षिमित्र महेश बनकर यांनी त्याच्यावर उपचार सुरु केले आहेत.


हा पक्षी दक्षिणेकडून विणीसाठी येत असतो. मे ते ऑगस्ट हा या पक्ष्यांचा विणीचा हंगाम असतो. त्यामुळे दक्षिण भारतातून ते गौताळामध्ये येत असतात. ऑगस्टनंतर ते पुन्हा दक्षिण भारतात जातात. झुडपी, जंगले, पानझडी जंगले ही ठिकाणे आवडती असल्याने मुख्यत: या ठिकाणी जमिनीवर उडय़ा मारत फिरताना आढळतो. म्हणून त्यास भुचरपक्षीसुद्धा म्हणतात.




नवरंग पक्षातील नर आणि मादी दिसायला सारखेच असतात. पाठीवर हिरवा, निळा, पोटावर व डोक्यावर पिवळा, डोळय़ापाशी काळा, चोच लालसर, डोक्याचा खालचा भाग पांढराशुभ्र, पिसे हिरवी, निळी, लाल, नारंगी रंगाची अशा प्रकारे विविध रंग या पक्ष्याला असतात. हा पक्षी आकारमानाने मैनेएवढा असून भुंड्या शेपटीचा आहे. त्याचा पोटाखालचा व शेपटीखालचा रंग किरमिजी असतो. नवरंग पक्षी उडताना पंखांच्या टोकावर ठळक पांढरे ठिपके दिसतात.

दुर्मिळ नवरंग पक्षी उष्मा घातामुळे जखमी दुर्मिळ नवरंग पक्षी उष्मा घातामुळे जखमी Reviewed by News1 Marathi on October 15, 2020 Rating: 5

No comments

Featured Post

वज्रेश्वरी अंबाडी रस्त्यावर भीषण अपघात मद्यधुंद भरधाव डंपर चालकाची चार वाहनांना धडक एकाचा मृत्यू

भिवंडी ,प्रतिनिधी  :  भिवंडी तालुक्यातील वज्रेश्वरी अंबाडी रस्त्यावर सकाळच्या सुमारास एका मद्यधुंद अवस्थेतील डंपर चालकाने भरधाव वेगाने जात अ...

Post AD

home ads