Header AD

पिस्टलसह चार जिवंत काडतूस बाळगणारे दोघे खडकपाडा पोलिसांच्या ताब्यात




कल्याण  | कुणाल  म्हात्रे  :  गुप्त बातमीदारा कडून मिळालेल्या माहितीच्या आधारे खडकपाडा पोलिसांनी शुक्रवारी संध्याकाळी योगी धाम परिसरातून पिस्टलसह चार जिवंत काडतूस बाळगणाऱ्या दोघांना बेड्या ठोकल्या असल्याची माहिती परिमंडळ ३ चे पोलीस उपायुक्त विवेक पानसरे यांनी दिली.


       खडकपाडा पोलीस स्टेशनचे सहा. पोलीस निरीक्षक प्रीतम चौधरी यांना योगीधाम परिसरात अग्नीशस्त्रासह दोन जण येणार असल्याची माहिती मिळाली होती. चौधरी यांनी हि बाब खडकपाडा पोलीस स्टेशनने व.पो.नि. अशोक पवार यांना देत त्यांच्या आदेशानुसार योगी धाम परिसरातील गुरु आत्मन बिल्डींग समोर सापळा रचला. त्यानंतर काही वेळाने दोन इसम गुरू आत्मन बिल्डींगच्या समोर येताना दिसले. गुप्त बातमीदाराने तपास पथकाकडे इशारा करून हेच ते दोन इसम असल्याचे सांगताच. पथकातील कर्मचारी यांनी शिताफीने दोन्ही इसमांना पळण्याची संधी न देता ताब्यात घेतले.


ताब्यात घेतलेल्या दोघांची नावे सुशिल गणपत भोंडवे (२७) रा. इगतपुरी व  गौरव सुनिल खर्डीकर (२८) रा. कशिश पार्क, कल्याण प. अशी आहेत. त्यांची यावेळी झडती घेतली असता सुशिल भोंडवे यांच्याकडे २० हजार किमतीची एक सिंगल बॅरेल असलेली लोखंडी धातुची पिस्टल व गौरव खर्डीकर याच्याकडे बाराशे रुपयांचे एकूण चार जिवंत पिस्टलचे राऊंड असा मुद्देमाल मिळून आला.


हे दोन्ही इसम हे एक पिस्टल व चार जिवंत राऊंड बेकायदेशिर रित्या विना परवाना बाळगताना मिळून आल्याने त्यांच्या विरुद्ध गुन्हा दाखल करण्यात आला असून पुढील कार्यवाही सहा.पो.नि प्रितम चौधरी करीत आहेत. सदरची कामगिरी खडकपाडा पोलीस ठाण्याचे व.पो.निरीक्षक अशोक पवारपो.नि.(गुन्हे) अंकुश बांगरतपास पथकाचे अधिकारी सहा.पो निरी. प्रितम चौधरी व तपास पथकाचे कर्मचारी पोहवा चव्हाणपवार, देवरेपोना राजपुत,  पोशि थोरातआहेर, कांगरे, जाधव, चन्ने यांनी केलेली आहे.

पिस्टलसह चार जिवंत काडतूस बाळगणारे दोघे खडकपाडा पोलिसांच्या ताब्यात पिस्टलसह चार जिवंत काडतूस बाळगणारे दोघे खडकपाडा पोलिसांच्या ताब्यात Reviewed by News1 Marathi on October 10, 2020 Rating: 5

No comments

Featured Post

भिवंडीतील सरवली एमआयडीसी मध्ये भीषण आग दहा तास आग धुमसत राहिली आग

   भिवंडी , प्रतिनिधी  :  भिवंडी तालुक्यातील सरवली एमआयडीसी मधील कपिल रेयॉन प्रा लिमिटेड या अत्याधुनिक यंत्रमागावर कपडा तयार करणाऱ्या कंपनील...

Post AD

home ads