Header AD

सहाय्यक पोलीस आयुक्त नितीन कौसडीकर ३४ वर्षांची निष्कलंक सेवा बजावून सेवानिवृत्त



भिवंडी  |  प्रतिनिधी  :  पोलीस सेवेत ३४ वर्ष  निष्कलंक सेवा बजावून पोलीस अधिकारी कर्मचाऱ्यांसह सर्वसामान्य नागरीकांमध्ये जिव्हाळा निर्माण करणारे सहाय्यक पोलीस आयुक्त नितीन कौसडीकर भिवंडी पूर्व विभागाची सेवा करून नियत वयोमानानुसार सेवानिवृत्त झाले . अग्रीकल्चर विभागात एमएससी पर्यंत शिक्षण झालेले नितीन कौसडीकर १९८६ मध्ये पोलीस उप निरीक्षक म्हणून महाराष्ट्र पोलीस दलात दाखल झाल्या नंतर लातूर , नांदेड ,सोलापूर ग्रा.येथील स्थानिक गुन्हे शाखे सोबत नवी मुंबई गुन्हे शाखेत आपली कर्तबगारी दाखवली असून सर्वाधिक  काळ गुन्हे शाखेत काम करीत असताना नांदेड येथील त्यागी टोळीतील टाडा लागलेल्या गुंडांची बिहार येथून अटक व सोलापूर येथील उपजिल्हाधिकारी मांडकर हत्या तपास या उल्लेखनीय कामगिरीचा समावेश असून त्यांच्या सेवा काळात पोलीस महासंचालक उत्कृष्ट कामगिरी सन्मानचिन्ह, राष्ट्रपती पोलीस पदक देऊन गौरविण्यात आले असून संपूर्ण सेवाकाळात ८७५ कामगिरी बद्दल रिवार्ड म्हणून ४ लाख ५० हजार रुपयांचे बक्षीस मिळविले आहेत.



भिवंडी पूर्व विभाग येथे सहाय्यक पोलीस आयुक्त म्हणून सेवा बजावून ते सेवानिवृत्त होत असताना नारपोली पोलीस ठाण्यात आयोजित निरोप समारंभात नितीन कौसडीकर यांचा सपत्नीक गौरव पोलीस उपायुक्त राजकुमार शिंदे ,सहाय्यक पोलीस आयुक्त किसन गावित ,व पो नि मालोजी शिंदे यांच्या शुभहस्ते करण्यात आला .यांसह अनेक पोलीस अधिकारी कर्मचारी पत्रकार नागरीक यांनी त्यांच्या कार्याचा गौरव करीत भविष्यातील निरोगी आयुष्यासाठी शुभेच्छा दिल्या आहेत.घरात वडील शासकीय सेवेत अधिकारी पदावर असताना शासकीय सेवा ही सेवाकार्य म्हणून करण्याच्या उद्देशाने पोलीस दलात दाखल झालो या संपूर्ण सेवा काळात राज्यभर विविध ठिकाणी काम करीत असताना समाजाची सेवा करायला मिळाल्याने सेवानिवृत्त होताना आपण समाधानी असल्याची प्रतिक्रिया नितीन कौसडीकर यांनी देत कृतज्ञता व्यक्त केली आहे .

सहाय्यक पोलीस आयुक्त नितीन कौसडीकर ३४ वर्षांची निष्कलंक सेवा बजावून सेवानिवृत्त सहाय्यक पोलीस आयुक्त नितीन कौसडीकर ३४ वर्षांची निष्कलंक सेवा बजावून सेवानिवृत्त Reviewed by News1 Marathi on September 30, 2020 Rating: 5

No comments

Featured Post

नेक्स्ट एज्युकेशनचे स्मार्ट लर्निंग अॅप 'लर्ननेक्स्ट+'

  ■विद्यार्थ्यांचे वैयक्तिकृत शिक्षण अधिक मजबूत केले... मुंबई, १ डिसेंबर २०२० :  प्रत्येक विद्यार्थ्याला सर्वंकष सेल्फ-लर्निंग अनुभव सुलभ कर...

Post AD

home ads