Header AD

डोंबिवली बस स्थानक उघड्यावर



 न्यूज१ मराठी । नेटवर्क 

डोंबिवली निवासी भागात जिमखाना रस्त्यावर डोंबिवली एस टी स्थानक असून या स्थानकातून रोज सुमारे 72 बसेस राज्याच्या विविध भागात जातात. मात्र या स्थानकाची अवस्था बेवारस प्रमाणे झाली आहे. विस्तीर्ण आवार असलेल्या बस स्थानकात महिला व पुरुषांसाठी स्वतंत्र स्वच्छतागृहे असून याची सफाई केली जात नसल्याने दुर्गंधी पसरली आहे. सध्या बस स्थानकाच्या दुरुस्तीचे काम संथ चालू असल्याने वीज पुरवठा बंद आहे. यामुळे पंखेही बंद आहेत. 


डोंबिवली बस स्थानक उघड्यावर

स्वच्छता गृहाच्या भिंतीवर शेवाळे लागल्याने भिंती भुसभुशीत झाल्या आहेत. या स्थानकात एकच नियंत्रक असून तोच तिकीट आरक्षणाचे काम करत असतो. त्याची वेळ सकाळी 9 ते दुपारी दोन अशी असल्याने सकाळी 6 वाजल्यापासून 9 वाजेपर्यंत बहुसंख्य बसेस बाहेरगावी जातात पण प्रवाशाच्या अडचणी सोडवण्यासाठी कोणी नसल्याने प्रवासी व बस वाहक-चालक यांच्यात वादाचे प्रसंग येतात. हीच अवस्था संध्याकाळी असते. बाहेरगावावरून येणार्‍या बसेसची नोंद कोण घेत नाही. किमान 2 कर्मचारी नेमण्याची मागणी होत आहे. बस स्थानकात तीन पाणी टाक्या बांधण्यात आल्या असून त्यांना पाणी नाही. त्यांचे नळ चोरीला जातात अशी तक्रार आहे. रात्री बस स्थानकावर नशा करणारे टोळके बसते, तेथे अनेक गैरप्रकार चालू असतात अशी परिसरातील नागरिकांची तक्रार आहे. दिवसभर कोणी वाली नसल्याने खाजगी वाहनांचे ते पार्किंगची जागा झाली आहे.
डोंबिवली बस स्थानक उघड्यावर डोंबिवली बस स्थानक उघड्यावर Reviewed by News1 Marathi on July 01, 2019 Rating: 5

No comments

Featured Post

ठाणे जिल्हा परिषदेच्या मुख्य कार्यकारी अधिकारी पदी डॉ.भाऊसाहेब दांगडे

ठाणे दि. २७ :  ठाणे जिल्हा परिषदेच्या मुख्य  कार्यकारी अधिकारी पदी डॉ. भाऊसाहेब  दांगडे यांची नियुक्ती झाली असुन त्यांनी आज पदभार स्वीकारला....

Post AD

home ads