Header AD

निकृष्ट दर्जाचे काम करणार्‍या ठेकेदारांवर कारवाई करा



  न्यूज१ मराठी । नेटवर्क 

आनंद परांजपे यांचा आंदोलनाचा इशारा

पावसाळ्यापूर्वीच दुरुस्त करण्यात आलेल्या घोडबंदर येथील रस्त्यांची अवस्था जीवघेणी झाली आहे. अवघ्या दोन ते तीन महिन्यातच हे रस्ते खचले आहेत. त्यामुळे या रस्त्यांची व्हिजेटीआय अथवा आयआयटी यांच्यामार्फत तपासणी करून संंबंधित ठेकेदार दोषी आढळल्यास त्याला काळ्या यादीत टाकावे, अशी मागणी राष्ट्रवादी काँग्रेसचे ठाणे शहराध्यक्ष आनंद परांजपे यांनी केली आहे. घोडबंदर रोड आणि सेवा रस्ता खचण्याचे प्रकार उघडकीस आले आहेत. या संदर्भात आनंद परांजपे यांनी पालिका आयुक्त संजीव जयस्वाल यांना निवेदन दिले असून कारवाईची मागणी केली आहे. 

निकृष्ट दर्जाचे काम करणार्‍या ठेकेदारांवर कारवाई करा

आनंद परांजपे यांनी दिलेल्या निवेदनानुसार, घोडबंदर परिसरातील सेवा रस्त्यावर जवळपास 30 किमी लांबीचे मल:निस्सारण वाहिन्या टाकण्याचे काम सुरू आहे. सदरचे काम अत्यंत निकृष्ट दर्जाचे आहे. या वाहिन्या टाकण्यात आल्यानंतर रस्ता सुस्थितीत करण्यात आला होता. मात्र, या भागातील कावेसर, न्यू होरायझन स्कूल, ब्रम्हांड सिग्नल ते आझाद नगर आदी भागातील रस्ते खचले आहेत. पावसाळ्याआधीच केलेला हा रस्ता सुमारे 5 किमी खचला आहे. हे काम इगल इन्फ्रास्ट्रक्चर या कंपनीने केले आहे. या कंपनीने हा रस्ता किती निकृष्ट पद्धतीने केला आहे, याचा पुरावा पहिल्याच पावसात मिळाला आहे. त्यामुळे या रस्त्याच्या बांधकामाची गुणवत्ता व्हिजेटीआय अथवा आयआयटी यांच्यामार्फत तपासून दोषी ठेकेदाराला काळ्या यादीत टाकावे, अशी मागणी केली आहे.
निकृष्ट दर्जाचे काम करणार्‍या ठेकेदारांवर कारवाई करा निकृष्ट दर्जाचे काम करणार्‍या ठेकेदारांवर कारवाई करा Reviewed by News1 Marathi on July 04, 2019 Rating: 5

No comments

Featured Post

शिवसेना नगरसेवकाच्या माफीनाम्या नंतर डॉक्टरांचे उपोषण मागे

कल्याण , कुणाल  म्हात्रे  :   कल्याणमध्ये एका खाजगी रुग्णालयात शिवसेना नगरसेवक महेश गायकवाड आणि डॉक्टर अश्विन कक्कर यांच्यात झालेल्या वादानं...

Post AD

home ads