Header AD

समाजसेवक मेधा पाटकर रविवारी ठाण्यात



  न्यूज१ मराठी । नेटवर्क 

गेली सत्तावीस वर्षे घरातील अत्यंत प्रतिकूल परिस्थितीतही, केवळ जिद्द, मेहेनत आणि चिकाटीच्या जोरावर दहावी एसएससी परीक्षेत यशस्वी झालेल्या आजच्या आधुनिक युवा एकलव्यांचा जाहीर सत्कार येत्या रविवारी 7 जुलै रोजी ठाण्यात टाऊन हॉल येथे सायंकाळी साडेचार वाजता आयोजित करण्यात आला आहे. ठाण्यातील समता विचार प्रसारक संस्थेने आयोजित केलेल्या या कार्यक्रमास प्रसिद्ध सामाजिक कार्यकर्त्या मेधा पाटकर उपस्थित राहणार आहेत. कायद्याने वागा लोक चळवळीचे राज असरोंडकर हे प्रमुख मार्गदर्शक म्हणून उपस्थित राहणार आहेत. कार्यक्रमाच्या अध्यक्षस्थानी संस्थेचे कार्यकर्ते आणि स्वतः परिस्थितीशी लढणारे सुनील दिवेकर आहेत. दरवर्षीप्रमाणे या मुलांना शाबासकी देण्यासाठी आणि समाजातील शैक्षणिक विषमतेचे भीषण वास्तव समजून घेण्यासाठी संवेदनशील नागरिकांनी आपल्या सहकार्‍यांसह सदर कार्यक्रमास उपस्थित राहावे आणि शक्य असेल तेवढी आर्थिक मदतही करावी, असे आवाहन कार्यक्रमाच्या संयोजक मनिषा जोशी, अनुजा लोहार आणि अजय भोसले यांनी केले आहे. 

समाजसेवक मेधा पाटकर रविवारी ठाण्यात

या वर्षी एकलव्य सक्षमीकरण योजने अंतर्गत विद्यार्थ्यांना केवळ पुरस्कार देऊन नाही तर दहावीच्या वर्षातच त्यांना अभ्यासपूरक सर्वांगिण मदत मिळेल आणि भविष्यात सक्षम एकलव्य घडेल या भूमिकेतून संस्थेने ठाण्यातील निवडक महापालिका माध्यमिक शाळांमध्ये ‘एकलव्य सक्षमीकरण योजना’ महापालिकेच्या मदतीने सुरू केली आहे. या योजनेतून यशस्वी झालेल्या विद्यार्थ्यांचा सत्कार मेधा पाटकर यांच्या हस्ते करण्यात येणार आहे. श्रमिक जनता संघ या युनियनच्या अध्यक्ष मेधा पाटकर यांच्या उपस्थितीत याच दिवशी ठाण्यात टाऊन हॉल येथे दुपारी दोन वाजता कामगार आणि कार्यकर्त्यांचा निर्धार मेळावा आयोजित करण्यात आला आहे. युनियनचे उपाध्यक्ष संजीव साने या मेळाव्याच्या अध्यक्षस्थानी असतील. घंटागाडी कामगार, रस्ते सफाईसाठी महापालिकेने ठेवलेले कंत्राटी कामगार, पाणी खात्यातील कंत्राटी कामगार आदी विविध क्षेत्रातील कामगार आणि कार्यकर्त्यांनी या मेळाव्यासाठी मोठ्या संख्येने हजर राहावे असे आवाहन युनियनचे चिटणीस जगदीश खैरालिया यांनी केले आहे. 
समाजसेवक मेधा पाटकर रविवारी ठाण्यात समाजसेवक मेधा पाटकर रविवारी ठाण्यात Reviewed by News1 Marathi on July 05, 2019 Rating: 5

No comments

Featured Post

Ganesh Deshmukh Saheb Happy Birthday

 

Post AD

home ads