Header AD

विद्यार्थ्यांचे शैक्षणिक नुकसान होत असल्याने पालकांचे केडीएमसीवर धडक



 न्यूज१ मराठी । नेटवर्क 

कल्याण पुर्वेकडील सेंट मेरीज शाळेतील फी वाढ आणि अभ्यासक्रमाव्यतिरिक्त लादल्या जाणार्‍या महागड्या पुस्तका विरोधात पालकांनी गेल्या महिनाभरापासून आंदोलन छेडले आहे. तीन दिवसापूर्वी संतप्त पालकांनी शाळेला टाळे ठोकत शाळेसमोर आमरण उपोषण सुरू केले. तर काल मुंडन करत शाळा प्रशासनाचा निषेध नोंदवला. या दरम्यान शाळा मात्र तीन दिवसांपासून बंद आहे. काही पालकांच्या मनमानी पद्धतीने आंदोलन सुरू असून विद्यार्थ्यांना वेठीस धरले जात असल्याचा आरोप करत इतर पालकांनी शिक्षण अधिकार्‍यांची भेट घेतली. या आंदोलनामुळे तीन दिवसापासून विद्यार्थ्याचे शैक्षणिक नुकसान होत असल्याने  या आंदोलनावर तोडगा काढून शाळा लवकरात लवकर सुरू करण्याची मागणी केली .


याबाबत पालक विनोद तिवारी यांनी शाळा प्रशासनाने पुस्तकाची सक्ती न करण्याची मागणी मान्य केली आहे. मात्र काही पालक ग्रुप बनवून मनमानी करत आंदोलने करत असून शाळेतील कर्मचारी आणि विद्यार्थ्यांना घाबरवत असल्यामुळे शाळेत भीतीचे वातावरण पसरले आहे. या आंदोलनामुळे शाळा तीन दिवस बंद असून विद्यार्थ्याचे शैक्षणिक नुकसान होत आहे. पालकांच्या काही मागण्या असतील तर त्यांनी कायदेशीर मार्गाने पोलीस आणि शिक्षण विभागाकडे  पाठपुरावा करावा मात्र त्यांनी विद्यार्थ्यांना वेठीस धरु नये अशी मागणी केली आहे. दरम्यान शाळा प्रशासन आणि पालकांच्या वादात विद्यार्थी वर्ग मात्र नाहक भरडला जात असून त्यांचे शैक्षणिक नुकसान होत असल्याने या प्रश्नी लवकरात लवकर तोडगा काढवा अशी मागणी केली जात आहे.
विद्यार्थ्यांचे शैक्षणिक नुकसान होत असल्याने पालकांचे केडीएमसीवर धडक विद्यार्थ्यांचे शैक्षणिक नुकसान होत असल्याने पालकांचे केडीएमसीवर धडक Reviewed by News1 Marathi on June 29, 2019 Rating: 5

No comments

Featured Post

ठाण्यात सर्वत्र शेतकरी आंदोलनाच्या समर्थनार्थ काँग्रेसची निदर्शने

ठाणे , प्रतिनिधी : दिल्ली येथील शेतकर्याच्या समर्थनार्थ संपूर्ण देशभरात काँग्रेस पक्षाध्यक्षा सोनिया गांधी यांनी दिलेल्या आदेशानुसार शेतकरी ...

Post AD

home ads